In-uī hit-tong-sî sī “Táⁿ-má-jī bo̍k-su (Rev. John Nest Talmage)” kā tsit khuán mi̍h ín-ji̍p Tâi-uân (Ē-mn̂g?), uī-tio̍h kì-liām i, lán kā tsit-ê mi̍h kiò-tsuè Táⁿ-má-ka.
Tsit-ê kóng-huat, thiaⁿ--khí-lâi put-tsí-á ha̍p-lí. Put-jî-kò͘, píng sû-tián khuàⁿ-tio̍h
廈英大辭典 án-ne siá:
táⁿ-má-iû, tar; pitch (probably imitation of the word "tar".
增補廈英大辭典 án-ne siá:
táⁿ-má-pé, a torch made of twisted paper dipped in oil. táⁿ-má-hé, a torch made of twisted paper dipped in oil. táⁿ-má, a torch made of twisted paper dipped in oil. (? imit. of sound "dammar").Siōng-bué tsi̍t kù ê ì-sù tio̍h-sī kóng, "Táⁿ-má" tsit-ê im, huān-sè sī àn "dammer" tsit ê sû lâi--ê. Guá m̄-bat "dammer" tsit jī, píng ing-gí jī-tián, ū án-ne kái-sueh:
- any of various resins from evergreen trees (genus Agathis) of Australia, New Zealand, and East Indies, used in making varnish, lacquers, etc.
- any of various natural resins from trees (esp. genera Shorea and Balanocarpus) native to SE Asia and the East Indies, used in varnishes and paints requiring high resistance to wear
Kî-tiong ê "resin" tio̍h-sī tshiū-ka ê ì-sù neh. Kám-kóng táⁿ-má-ka sī àn dammer+tshiū-ka ê kài-liām thuàⁿ--tshut-lâi--ê? Táⁿ-má jī-thâu ê sû, ū "táⁿ-má-hé, táⁿ-má-iû, táⁿ-má-ka, táⁿ-má-ko, táⁿ-má-pé, tám-á-iû, tám-á-ka" tíng-tíng, àn tsit-ê lí-lō͘ lâi siūⁿ, ná-tshiūⁿ lóng ē thong, kám m̄-sī?
(iáu-buē suah)
